ወለላዬ ከስዊድን

“እኔ”፣ “የእኔ” ማለትን ውገሯት፣

ጣር ፍዳ ሞቷን አሳዩአት፣

መቀጣጫ አድርጋችሁ ስቀሏት፣

አርቃችሁ ቆፍራችሁ ቅበሯት።

ማረፊያ ያጣች ሞት

ገዳይ በበዛበት በከፋበት ዘመን

ሆኖ ይሰበካል ጭካኔ ቁም ነገር

ያን ጊዜ ከሌለህ ፍቅርና እምነት

ባንተ ትወድቃለች ማረፊያ ያጣች ሞት

ከመኮንን ልጅ

27 ዓመታት ሲታገል የኖረው
ሲታሰር ሲገደል ሲሰደድ የከረመው
በወያኔውም በአሽከሩም ሲታምስ ሲታመስ
ትግሉን አርግዞ ምጡ ላይ ሲደርስ

ከወያኔው ሰፈር ካሽከሮቹ መንደር
ትግሉ ጫፍ መድረሱን እጅግ በመጠርጠር
ከሉሌነት ይልቅ ሰው መሆን የመረጡ
ሲመሽ ተቀላቀልው መሪ ኹነው መጡ

አንዱ ዘፈነብን

አንድ ቅኝት ቃኝተን

አንድ ዜማ አዚመን

ዴሞክራሲ የምትል ግጥምም አጥንተን

ከመሐል ተነስቶ አንዱ ዘፈነብን

ሰው ሆይ!

ባለብዙ ክብሩ

ባለብዙ ብሩ

ባለብዙ ስፍሩ

ደልቃቃው ቱጃሩ

ሰው ሆይ! ዕድሜ አጭሩ